Halim Kosova

Halim Kosova

Doktor Halim Kosova ka lindur në vitin 1954 në Tiranë. Në vitin 1977 përfundoi studimet për mjekësi. Në vitin 1985 specializohet për obsetri-gjinekologji në universitetin “La Sapienza” të Romës. 5 vjet më vonë merr titullin “Doktor i Shkencave”. Për 12 vjet, prej vitit 2001 deri në 2013 ka drejtuar Repartin Obsetrik në maternitetit “Mbretëresha Geraldinë”.

 

Halim Kosova është një prej mjekëve më të njohur në Tiranë. Edhe pse është prej 1 viti e gjysmë pjesë e parlamentit, ndërsa më herët, për 5 muaj me radhë mbajti postin e Ministrit të Shëndetësisë në qeverinë Berisha, vijon të përmendet si gjinekologu që ka asistuar mijëra lindje, një prej më të mirëve në fushën e tij dhe jo si politikan.

 

Në politikë u angazhua 2 vjet më parë. Në vitin 2013, kur LSI u largua nga koalicioni qeveritar me PD, ai nuk e refuzoi ofertën e kryeministrit Berisha për të marrë drejtimin e Ministrisë së Shëndetësisë. E drejtoi atë nga prilli deri në shtator, në një periudhë politikisht të trazuar për shkak të zgjedhjeve të përgjithshme. Pranoi një tjetër sfidë për t’u bërë pjesë e listës së deputetëve të Tiranës dhe mori mandatin e parë si deputet. Thotë se angazhimi i tij në politikë vjen për shkak të thënies se “e keqja fiton gjithmonë kur e mira bën sehir”

 

Jeta parlamentare ka përkuar me një situatë të tensionuar, por ai ka ditur të ruajë profilin e një politikani jo-konfliktual. Në parlament ka qenë gjithnjë aktiv për çështje që lidhen me shëndetësinë dhe ato që prekin komunitetin.Ky imazh dhe popullaritetit që gëzon në Tiranë duket se e kanë bindur lidershipin e PD –së se ai është kandidatura më e mirë për të drejtuar bashkinë e kryeqytetit.

 

Ndryshe nga rivali i tij Erion Veliaj që u zyrtarizua si kandidat i së majtës për Tiranën, Kosova ka mbajtur një profil më pak aktiv në rrjetet sociale. Megjithatë, atë e gjen në Facebook edhe në Twitter ku poston fjalime apo shkrime të tij dhe mban kontakte me lexues të grupmoshave të ndryshme.

 

Doktor Halim Kosova është i martuar dhe ka dy fëmijë, një djalë dhe një vajzë, të moshës 27 dhe 25 vjeç.

  • Nxehet fushata! Kosova: Lejen per kliniken ma dha Rama

    Qe ne nisje te fushates, klinika e Halim Kosoves, kandidatit demokrat per Bashkine e Tiranes, u be objekt debati. Fillimisht disa portale prane qeverise nisen te shkruajne per te, ndersa me vone edhe rivali i Kosoves, Erion Veliaj, nisi te flase neper takime.

  • Kosova sulmon punen e Bashes ne Bashki

    Ne takimin e sotem te Halim Kosoves me shtresat ne nevoje, ka deklaruar se per kete shtrese eshte premtuar shume, por s'eshte bere asgje, madje ka premtuar aksesueshmerine e personave me aftesi te kufizuar ne Bashki.

  • Genjeu apo tha te verteten Dr Halimi?

    Thjeshte gafe apo nje shperthim sinqeriteti? Deklarata e se henes e kandidatit demokrat per bashkine e Tiranes, eshte riporodhuar sot nga te gjitha mediat e majta. Gjate nje takimi Halim Kosova tha se ne kohen kur ishte minister ai mund te qe bere milioner. Kaq u desh dhe shpertheu polemika.

  • Kosova me perfaqesues te bizneseve: Do te ulim taksat

    Kandidati i Partise Demokratike per kryetar i Bashkise se Tiranes, Halim Kosova, gjate nje takimi me perfaqesuesit e biznesit paraditen e se henes, deklaroi se bashkia e re do te beje te pamunduren per te shtuar punesimin ne kryeqytet.

Reklama

Prona ne Tirane

Foto Flickr

Reklama