8 Korrik 2026

Një tërmet i paprecedentë politik po dridh themelet e Tiranës pas një lëvizjeje shokuese dhe “bombastike” të ndërmarrë direkt nga Uashingtoni zyrtar. Kongresmeni republikan, Joe Wilson, ka depozituar me urgjencë ekstreme një amendament të rreptë që ka kaluar menjëherë në Komisionet e Rregullores dhe Ligjeve në Kongresin Amerikan. Ky dokument i jashtëzakonshëm detyron Departamentin e Shtetit dhe Inteligjencën Kombëtare të nisin një skanim mbarëkombëtar të narkotrafikut në Shqipëri.

Agjencitë më të fuqishme të inteligjencës në botë, përfshirë CIA-n, kanë marrë një afat të prerë prej vetëm 180 ditësh për të dorëzuar një raport sekret e të klasifikuar. Ky raport do të vlerësojë me imtësi nëse qeveria e kryeministrit Edi Rama ka lehtësuar, mbrojtur apo mundësuar aktivitetet e karteleve ndërkombëtare të drogës. Hapi i radhës pritet të jetë kalimi i ligjit për votim direkt në seancën plenare të Kongresit Amerikan, duke paralajmëruar telashe të përmasave katastrofike për kreun e qeverisë shqiptare.

Makthi “Maduro” dhe ligji i hekurt i Donald Trump

Por situata bëhet vërtet drithëruese pasi, pas hyrjes në fuqi të këtij ligji, kryeministri Edi Rama rrezikon sanksione ekstreme dhe klasifikimin zyrtar si “mbështetës i terrorizmit global”. Gjithçka bazohet fuqishëm mbi Urdhrin Ekzekutiv 14157 të Presidentit Donald Trump, i cili e trajton trafikun e drogës si një kërcënim direkt ndaj sigurisë kombëtare të SHBA-së. Ky akt historik i Trump i ktheu kartelet e drogës në organizata terroriste, duke i vendosur në të njëjtin nivel me ISIS dhe Al-Qaeda. Pikërisht për këtë arsye, çdo mbrojtje apo patronazh politik ndaj këtyre rrjeteve tashmë konsiderohet zyrtarisht si sponsorizim i pastër i terrorizmit global.

Në këtë pikë, paralelizmi më i frikshëm dhe i zi i ligjit amerikan bëhet me ish-presidentin e Venezuelës, Nicolás Maduro. Z. Maduro u akuzua nga Uashingtoni se ktheu shtetin e tij në një instrument të “Cartel de los Soles” dhe përfundoi i arrestuar nga forcat speciale amerikane në Karakas, nga dhe ku u transportua në Shtetet e Bashkuara të Amerikës. Sot, ish-lideri venezuelian Maduro ndodhet në New York, ku po gjykohet nga drejtësia amerikane për narko-terrorizëm.

Rrjeti i patronazhit kriminal dhe fati fatal i kryeministrit

Ndërkohë sipas të dhënave, Uashingtoni e sheh politikën shqiptare si tërësisht të kapur nga rrjetet kriminale, duke u kthyer në një nyje tranziti për kokainën meksikane dhe kolumbiane. Dosjet e SPAK-ut dhe arrestimet ndërkombëtare kanë zbuluar një sistem të tërë patronazhi ku përmenden emra të lartë si Erion Veliaj, Ilir Meta dhe Ilir Beqaj. Ndërkaq, ish-zv/kryeministri Arben Ahmetaj është në kërkim ndërkombëtar, ndërsa Sali Berisha, Belinda Balluku dhe Olta Xhaçka janë nën hetim të rreptë.

Mirëpo pas hyrjes në fuqi të këtij ligji, fati i kryeministrit shqiptar pritet të jetë tragjik: izolim total diplomatik, ngrirje e plotë e të gjitha pasurive dhe ndjekje penale ndërkombëtare. Akuzat e SHBA-së ndaj Ramës nuk janë më retorikë politike, por një dosje e hapur për ndëshkim të ashpër ndërkombëtar. Pra e gjithë kjo panoramë tregon se Shqipëria ka hyrë zyrtarisht në hartën e zezë të karteleve, ndërsa Edi Rama rrezikon realisht të përsërisë skenarin e Maduros, duke u prangosur e transportuar drejt SHBA-së për t’u përballur me ligjin e hekurt të narko-terrorizmit.