Skandali: – Vajza e deputetes socialiste Luljeta Bozo fiton tender 100 milionë lekë
Skandali Vajza e deputetes socialiste Luljeta Bozo fiton tender 100 milionë lekë
Skandali: – Vajza e deputetes socialiste Luljeta Bozo fiton tender 100 milionë lekë
28 Prill 20220
Zyra arkitekturore e Ilirjana Bozos, vajzës së deputetes së Partisë Socialiste Luljeta Bozos, ka përfituar një tender të zhvilluar nga Universiteti publik i Durrësit, me vlerë rreth 100 milionë lekë të vjetra.
Në Dhjetor të vitit 2021, Universiteti “Aleksandër Moisiu” në Durrës, shpall tenderin për “Studim Projektim i Godines së Re të Fakultetit të Studimeve Profesionale” me fondi limit 9.038.696 pa TVSH.
Në Buletinin Publik të datës 26 Prill 2022, njoftohet se fitues paraprak është shpallur “Studio-Rebus”, me ofertë 8.850.000 lekë pa TVSH.
Ky fakt krijon dyshimet se tenderi është fituar në kundërshtim me ligjin për “Konfliktin e Interesit”.
Ky ligj, në nenin 21 të tij, parashikon që zyrtarëve me funksion deputet u ndalohet të lidhin kontrata me institucionet publike.
Universitetet publike konsiderohen “institucione publike”, sipas ligjit “Për arsimin e lartë”, pasi një pjesë të rëndësishme të financimit të tyre e marrin nga Buxheti i Shtetit.
Pra, referuar përcaktimeve ligjore, vajza e deputetes Luljeta Bozo, nuk mund të përfitojë kontrata nga institucionet publike, siç është edhe Universiteti “Aleksandër Moisiu” në Durrës.
Skandali Vajza e deputetes socialiste Luljeta Bozo fiton tender 100 milionë lekë
Megjithatë, të dhënat zyrtare dëshmojnë se “Studio-Rebus”, në pronësi 50 përqind të Ilirjana Bozos, është shpallur fituese e tenderit publike me vlerë rreth 100 milionë lekë të vjetra.
Nga OraNews