Gjatë kësaj jave do të jepen dy koncerte në Akademinë e Arteve në Tiranë në kuadrin e edicionit të 11-të të sezonit koncertor ndërkombëtar i muzikës “Klasik”. Në datën 9 dhjetor në skenën e këtij institucioni do ngjitet grupi holandez “Barana Jazz Group” për të dhënë një koncert të muzikës jazz. Kurse në datën 11 dhjetor është radha e “Saule Kilaite and The Madrix” nga Italia për të performuar në këtë skenë. Të dy koncertet fillojnë në orën 19:00 dhe hyrja është e lirë.