![](https://i1.wp.com/www.shqiperia.com/blog/wp-content/uploads/2019/03/Untitled-18-905x395.jpg?fit=692%2C357&ssl=1)
“Frymë pranverore” bën bashkë 13 artistë nga Shqipëria, Kosova dhe Maqedonia.-
“Frymë pranverore” bën bashkë 13 artistë nga Shqipëria, Kosova dhe Maqedonia.-
Tirana është stacioni që bën bashkë 13 artistë nga hapësira shqipfolëse, në eskpozitën kolektive “Fryma pranverore” për të gjashtin viti radhazi. Ngjyrat dhe motivet e kësaj stine janë emëruesi i përbashkët i punimeve. Pranvera vjen në teknika të ndryshme, në natyrat e qeta, peizazhet, portretet dhe nudot.
Ekspozita “Frymë Pranverore” ka mbërritur në edicionin e 6-të dhe ku bën bashkë 13 artistë nga Shqipëria, Kosova dhe Maqedonia. Në këto punime mbizotërojnë ngjyrat dhe konceptet rreth rigjenerimit të natyrës dhe njeriut.
![](https://i0.wp.com/www.shqiperia.com/blog/wp-content/uploads/2019/03/fryme-640x361-1-300x169.jpg?resize=776%2C437)
Enkeleida Prifti piktore
Enkeleida Prifti, e cila ka studiuar në Shën Peterburg, prezantohet me një cikël punimesh ku mbizotëron natyra, qëllimi kësaj ekspozite është energjia pozitive dhe përzgjedhja e punëve është bërë sipas ndarjes me një kriter që është cilësia.
Kuratori i kësaj ekspozite Olgert Rakipllari thotë se nga ky aktivitet për 6 vite janë prezantuar talente të reja, të cilët sot janë edhe pedagogë.
![](https://i0.wp.com/www.shqiperia.com/blog/wp-content/uploads/2019/03/maxresdefault-2-300x169.jpg?resize=863%2C486)
Olgert Rakipllari
Qendra kulturore ASA si risi të këtij edicioni ka menduar edhe për talentet e së ardhmes duke krijuar një workshop dedikuar posaçërisht artistëve të vegjël, fëmijëve të apasionuar pas artit, stilimit dhe arkitekturës, në të cilin do të krijojmë duke u frymëzuar nga punimet e ekspozitës dhe motivet pranverore të stinës.
v.l/ Dita