9 Korrik 2026

Vala e revoltës qytetare nuk po tregon asnjë shenjë ngadalësimi apo lodhjeje në këtë ditë të 40-të të qëndresës historike.

Pasi lanë pas godinën e Kryeministrisë, protestuesit po vijojnë me hapa të shpejtë dhe vrull të jashtëzakonshëm marshimin e tyre masiv nëpër akset kryesore të Tiranës, duke u zhvendosur aktualisht përgjatë bulevardit “Zogu I”.

Thirrjet e qytetarëve kanë shoqëruar çdo hap të marshimit, duke krijuar një kor kumbues që ka përfshirë qendrën e kryeqytetit.

“Arrestoni Ramën!” dhe “Rama jep dorëheqjen!” janë dy nga thirrjet kryesore që dëgjohen më së shumti nga rreshtat e gjatë të protestuesve, të cilët kërkojnë largimin e menjëhershëm të kreut të qeverisë dhe mbajtjen e përgjegjësisë për skandalet e fundit me pronat dhe fondet publike.