– Majko falënderon kundërshtarët politikë: Respektuan shokun dhe mikun tonë që ndërroi jetë
– Majko falënderon kundërshtarët politikë: Respektuan shokun dhe mikun tonë që ndërroi jetë
29 mars 2021
Deputeti i Partisë Socialiste, Pandeli Majko nga Pallati i Kongreseve ku bëri homazhe në nderim të deputetit të ndjerë Bashkim Fino, i cili humbi jetën nga koronavirusi, ka falënderuar kundërshtarët politikë të cilët iu bashkuan dhimbjes për vdekjen e parakohshme të ish-kryeministrit.
Majko tha se e vlerëson gjestin e kundërshtarëve politikë, ndonëse jemi në prag të zgjedhjeve.
“Jemi në një ditë të dhimbshme për të përcjellë një shok, një mik. Sot kam dhe një fjalë të veçantë për kundërshtarët politikë. Gjërat duhen thënë ashtu siç janë. I falënderoj që na respektuan shokun dhe mikun që ndërroi jetë. Fushatat ikin dhe vijnë”, tha Majko.
Gazeta Panorama