Një video, e cila shfaqte një vajzë që pas vallëzimit të ‘nxehtë’ rrëzohej dhe merrte flakë nga qirinjtë, në fakt ka qenë e montuar. I ashtuquajturi ‘twerk’ është hiti i radhës në internet, pas ‘gangnamit’ e ‘harlemit’ dhe në një xhirim që u bë hit në YouTube tregohej një vajzë që nuk e përjetonte mirë vallëzimin e saj. Mirëpo, e gjitha ka qenë ide e të famshmit Jimmy Kimmel, i cili në emisionin e tij e ka treguar të plotë videon, ndërsa vajza ka qenë një profesioniste që kryen pjesët e vështira në vend të aktorëve nëpër filma.
