Agjencitë e marketingut prej kohesh tashme janë në garë se kush të godasë sa më shumë në sytë e publikut. Por kjo reklamë e një kompanie japoneze per prodhimin e gomave, më tepër se e goditur për sytë, mund të shkaktojë goditje në zemër dhe frikë të pamasë. Spoti i tmerrshëm prej 40 sekondash përpiqet të tregojë se sa funksionale janë gomat e kësaj kompanie, edhe kur kushtet e rrugës janë të paparashikueshme.., p.sh kur në mes të natës, në një rrugë të mbushur me dëborë të del përpara një fantazmë. E ndërgjegjshme për pamjet tronditëse, vetë kompania paralajmëron në fillim të spotit se të gjithë ata që kanë problem me zemrën dhe ankthin nuk rekomandohet ta shohin atë.
