Ky punonjës supermarketi, krenar për punën e tij të kujdesshme në radhitjen e shisheve të alkoolit në raftin e madh dedikuar posaçërisht atyre, pasi përfundon së sistemuari edhe shishet e fundit bën dy hapa prapa për të admiruar punën e tij të lodhshme, por për një moment të vetëm i gjithë rafti i shisheve shembet në tokë duke u bërë copë e thërrime.
Dy kliente që ndodheshin pranë në momentin e shembjes së raftit shpëtuan për një qime, pasi mund të kishin pësuar dëme të mëdha nga xhamat e shumtë që u thyen në dysheme, e cila u kthye në një miks të vërtetë pijesh alkoolike të të gjitha llojeve dhe ngjyrave.
