Rrëzimi i avionit “Boeing 777” është filmuar. Pamjet e dala në Youtube, tregojnë momentin e rrëzimit të avionit, i cili duket të ketë marrë flakë nga gjuajtja me raketa. Dëshmitarët e pyetur kanë treguar se pamjet kanë qenë të tmerrshme, teksa trupat që ndodheshin brenda avionit, binin nga qielli.
Tragjedia që ndodhi ditën e enjte, i mori jetën 298 personave që ndodheshin në bord. Të paktën 154 nga pasagjerët në bord ishin holandezë, 27 australianë, 45 malajzianë, përfshirë dhe anëtarët e ekuipazhit, dhe pjesa tjetër qenë shtetas gjermanë, belgë, filipinas e kanadezë.
