Daniel Colman, një lojtar pokeri profesionist, ka arritur të fitojë plot 15 milionë dollarë, por për çudinë e të gjithëve ai nuk ka gëzuar aspak, përkundrazi, u duk sikur u mërzit. Loja e pokerit në të cilën Daniel Colman doli fitues, u transmetua drejtpërdrejt në një kanal televiziv amerikan, ndërkohë që të gjithë u habitën për mënyrën e reagimit të fituesit. Colman, në momentin e fitores të jepte idenë sikur do nisej për në funeral, ndërkohë që për të ishte momenti më i mirë i jetës. Sipas psikologëve amerikanë, ky reagim vjen si pasojë e emocioneve tepër të mëdha të momentit të cilat e bllokuan të gëzonte.