Ilaçet i kishin shkaktuar probleme shëndetësore, 37-vjeçarja hakmerret duke tentuar të djegë farmacinë.
10 Maji 2023
Një 37-vjeçare është arrestuar nga policia pasi tentoi të djegë farmacinë ku ajo kishte marrë disa ilaçe. Por ajo ka pretenduar se mjekimet i kishin shkaktuar probleme shëndetësore dhe për këtë ka mëndur të hakmerret, duke tentuar t’i vërë zjarrin.
Policia ka publikuar edhe pamjet nga momenti kur gruaja afrohet pranë farmacisë dhe i hedh benzinë.
Në cilësinë e provës materiale u sekuestruan një bidon me lëndë djegëse dhe një aparat celular.
Njoftimi i policisë
Finalizohet nga Komisariati i Policisë Nr. 1, operacioni policor i koduar “Pretend”.
Tentoi të digjte një farmaci, identifikohet dhe vihet në pranga 37-vjeçarja.
Sekuestrohen një bidon me lëndë djegëse që u gjet në derën e farmacisë dhe një aparat celular.
Specialistët për Hetimin e Krimeve të Komisariatit të Policisë Nr. 1, pas njoftimit se ishte tentuar të digjej me lëndë djegëse, një farmaci në rrugën “Luigj Gurakuqi”, kanë organizuar dhe finalizuar operacionin policor të koduar “Pretend”, për zbardhjen e kësaj ngjarjeje.
Si rezultat i këtij operacioni u identifikua dhe u ndalua shtetasja:
- K., 37 vjeçe, banuese në Tiranë.
- Nga veprimet hetimore dyshohet se kjo shtetase ka tentuar të djegë një farmaci, në rrugën “Luigj Gurakuqi”, duke i hedhur lëndë djegëse, me pretendimin se ilaçet që kishte blerë në këtë farmaci i kishin shkaktuar probleme shëndetësore.Në cilësinë e provës materiale u sekuestruan një bidon me lëndë djegëse dhe një aparat celular.Materialet i kaluan Prokurorisë pranë Gjykatës së Shkallës së Parë të Juridiksionit të Përgjithshëm Tiranë, për veprime të mëtejshme.