Analisti Eduard Zaloshnja, i ftuar në rubrikën “Opinion” në “News 24”, foli për situatën në PD.

Berisha ka mbështetjen e 60% të anëtarësisë së PD, 20% e ka Alibeaj dhe 20% tjetër përbëhet nga ata që janë neutralë në proces.Në këtë linjë logjike tha se po veprohet edhe për përzgjedhjen e Presidentit të ri.

“Nga pikëpamja juridike s’e analizoj dot, por nga pikëpamja politike dalloj qartazi tre grupe. Grupi i Berishës që e quan një farsë këtë proces dhe deklaron se nuk do të marrë pjesë. Grupi i Alibeajt që mundohet të futet në kornizat e diskutimeve, gjetjes, konsensusit etj. Janë edhe ata që kanë paraqitur disa kritere për presidentin e ri dhe një grupi që është mes të dyve. Unë këtë gjë e lidh me faktin që edhe në elektorat kemi tre segmente. Unë mendoj që këto grupime brenda grupit parlamentar reflektojnë atë që mendojnë njerëzit e thjeshtë. Ata kanë kontakte me bazën, drejtues seksionesh, etj etj. Perceptimi që është në publik në lidhje me këto tre grupe është i tillë që ka krijuar simpati për secilin grup.Nga sondazhi që bëra unë në fundjavë, dallohet qartazi një ndarje e elektoralit në tre segmente, segmenti pro Berishës afro 60 %, segmenti pro Alibeajt 20% dhe 20% që qëndrojnë neutral. Nuk është rastësi që këto grupime të kenë qëndrime të ndryshme për këto çështje. Sot kjo është çështja më e rëndësishme politike dhe këto vendime reflektojnë ato që ndihen në elektoratin e thjeshtë. Berisha ka arritur që të ketë rreth tij pothuaj 60% të elektoratit të djathtë. Alibeaj është në pozicion delikat. Nga pikëpamja juridike kemi një vendim që njeh Komisionin e Rithemelimit, që e ka shkarkuar. Për aq kohë sa çështja mbetet e hapur në gjykatën e Apelit, Alibeaj s’mund të thotë që jam kryetari legjitim i PD. Vendimi që është aktualisht është i shkallës së parë. Vendimi i shkallës së Parë njeh Berishën. Derisa të vendosë apeli Alibeaj është midis.

Kjo gjë krijon edhe një segment të tretë në elektoral që s’është as me Berishën e Alibeajn. Ai do të jetë vendimi më i rëndësishëm gjyqësor në lidhje me PD. Nëse Alibeaj fiton në Apel, ai ka të drejtë të thotë që jam unë kryetari i PD dhe kryetari i grupit. Mbetet të shihet kur të vendosë Gjykata e Apelit”, tha Zaloshnja.

Sipas analistit, nga kjo situatë brenda PD përfiton më së shumti Edi Rama.

“Nga pikëpamja politike Ramës i intereson të krijojë këtë përçarje brenda grupit parlamentar. Ai thotë që njohim si përfaqësues të opozitës Alibeajn dhe diskutojmë me të. Gjykata e shkallës së Parë nuk e njeh Alibeajn si kryetar. Ai vendim bën nul vendimet e marra nga PD e Bashës ose Alibeajt. Alibeaj nga pikëpamja juridike, është as në qiell e as në tokë, ndërsa Rama e njeh si përfaqësuesin ligjor të opozitës. Kjo situatë i intereson politikisht Ramës. Atit i intereson të ekzistojë kjo çarje e elektoralit të PD. Fakti që sot ata janë të ndarë 60, 20, 20, tregon që i leverdis Ramës. Çdolloj përçarje është në favor të kundërshtarit. Rama kënaqet dhe mundohet brenda lojës së tij politike që sinorin elektoral përballë ta ketë të përçarë. Sa më i përçarë të jetë kampi kundërshtar, aq më i letë është fitorja. Juridikisht, për aq kohë sa nuk ka vendosur gjykata e Apelit lidhur me çështjen e statuti të PD, Alibeaj nuk është përfaqësues legjitim i opozitës, është diku i të qenit dhe të mos qenit kryetar. Fakti që Berisha ka afro 60% të elektoralit me vete, tregon pikërisht këtë pasiguri që një pjesë e elektoratit ka, nëse duhet të ndjekin Berishën në këtë vazhdimësi apo Alibeajn. kemi edhe zëra, që nuk e ndjejnë veten, qoftë votuesit e thjeshtë, nuk e ndjejnë veten as me Berishën e as me Alibeajn. Kjo do të zgjasë deri kur të vendosë Apeli. Më pas do të ketë një ndarje mes dy kampeve. Nëse Alibeaj humbet në Apel shuhet nga pikëpamja juridike”, përfundoi analisti.

Gazeta Sot