Brace Cfare fitore por dhe cfare pergjegjesie!

Brace: Cfare fitore, por dhe cfare pergjegjesie!

Entuziazmi i fitores së së majtës është shfaqur edhe te deputeti i Partisë Socialiste Erion Braçe. Fitorja e Aleancës për Shqipërinë Europiane për deputetin Braçe është e madhe por në të njëjtën kohë thekson se kjo tashmë është një përgjegjësi më shumë për të majtën, që pas zgjedhjeve të 23 Qershorit 2013, hkruan Braçe në rrjetin social facebook.


“Çfarë fitore, çfarë fitore! Pooor, çfarë përgjegjësie, çfarë përgjegjësie!! Përtej fitores së madhe është përgjegjësi. Duhet të mendojmë tërësisht për punë, vetëm për punë!!
Ndaj jam i kënaqur që punën në Durrës do ta drejtojë Vangjush Dako; në Vlorë fiton dhe shkon në punë një si Dritan Leli; në Korcë punën do ta vazhdojë Sotiraq Filo; në Fier puna merr një dimension të ri me Armando Subashin; në Elbasan punën do ta çojë kudo Qazim Sejdini; në Lushnje punën do ta vazhdojë Fatos Tushe; në Berat pa asnjë diskutim punën do ta drejtojë Petrit Sina.


 Por mbi të gjitha jam i kënaqur për tre zonja që punën e tyre të derisotme do ja kushtojnë komuniteteve shumë të gjera për herë të parë. Miken time, Majlinda Bufi, që ka fituar në një zonë tërësisht të vështirë e nën pushtet kriminal, në Roskovec; Zamira Ramin në Gjirokastrën e vjeter e të re; Luiza Mandin, doktoreshën e Libohoves, vendit të nënës sime”, shkruan deputeti socialist.


Artikujt e fundit


Reklama

Reklama