21 shtatori domethenes per Papen dita kur iu dorezua Zotit

21 shtatori domethenes per Papen, dita kur iu dorezua Zotit

Dita kur Papa Françesku ka vendosur të vizitojë Shqipërinë, është një ditë e shënuar dhe domethënëse edhe për vetë Papën ashtu si për të gjithë shqiptarët. Koordinatori i vizitës së Papa Françeskut, Albert Nikolla, në një konferencë të Kishës Katolike deklaroi se më 21 shtator të vitit 1953, Papa Françesku i cili ishte vetëm 17 vjeç, iu dorëzua Zotit. Zgjedhja e datës së vizitës nga kreu i Vatikanit, duket se ka shtuar edhe një aspekt simbolik që rrit rëndësinë e kësaj vizite që do të zhvillohet të dielën e ardhshme më 21 shtator. Udhëtimi apostolik i Papa Françeskut në Shqipëri do të zgjasë 12 orë.

Sipas agjendës se publikuar nga krerët e Kishës Katolike, Ati i Shenjtë shkel tokën shqiptare në aeroportin e Rinasit në orën 9:00 të mëngjesit të 21 shtatorit. Për mbërritjen e Papa Franceskut do të organizohet në aeroportin “Nëne Tereza” një pritje zyrtare nga kryeministri Edi Rama, dhe më pas Ati i Shenjtë do të niset drejt Tiranës me eskortën e tij. Për të përgatitur këtë vizitë të rëndësishme, qeveria shqiptare ka marrë masa të shumta, ndër të cilat vlen të theksohet restaurimi i sheshit “Nënë Tereza”, i aeroportit “Nënë Tereza” dhe rrugëve ku do të kalojë Papa.


Artikujt e fundit


Reklama

Reklama