Kandidati për kryetar i PD-së, Lulzim Basha, ka prezantuar platformën e tij për drejtimin e PD, në Tropojë, Has, Rrëshen dhe njësinë bashkiake numër 2, në Tiranë. Basha e ka cilësuar mentalitet antishtet konkursin e hapur nga Edi Rama, për punësimin e militantëve në website-n e PS-së dhe një rast të paprecedentë në botën demokratike. Basha ka paralajmëruar angazhimin e juristëve më të mirë në vend, për të mbrojtur çdo punonjës që do të largohet në mënyrë abuz-ive nga puna. “Partia Demokratike do të të faturojë çdo ditë, përmes një rrjeti juridik, të gatshëm jo vetëm të evidentojmë, por të provojmë me fakte para çdo gjykate padrejtësitë e këtyre vendimeve, t’i kthejë ato në konsekuenca ligjore, për rikthim në punë, konsekuenca financiare për dëmshpërblim dhe më pas është detyra jonë t’i kapitalizojmë si konsekuenca politike, për të shkurtuar ditët e kryezullumqarëve” – theksoi z. Basha.
Kandidati për postin e Kryetarit të Partisë Demokratike Sokol Olldashi, udhëtoi drejt Dibrës për të prezantuar platformën e tij. Olldashi pati takime intensive me anëtarë dhe simpatizantë në Peshkopi, Maqellarë, Burrel, Bulqizë dhe në Klos. Në referencë të paketës për ristrukturimin e Partisë Demokratike, Olldashi kërkoi kthim-in e aktivistëve të Partisë në një institucion të mirëfilltë, duke sjellë në vëmendje se gjatë qëndrimit në mazhoracë, PD-ja zbehu lidhjen me militantët. “Instanca më e rëndësishme në Partinë Demokratike, nëse ne duhet të rikthehemi shpejt në shumicë duhet të jetë anë-tari i thjeshtë i Partisë, militanti, të cilit nuk i dimë emrin.
Në qoftë se, ne nuk institucionalizojmë anëtar-in e Partisë si hallkën më të rëndësishme tonën, do të kemi probleme serioze. Gara brenda partisë është një proces që duhet të fokusohet më shumë në ringritjen e Partisë Demokratike, të kësaj strukture gjigante me bilancin e arritjeve më të suksesshme ne vend në këto 23 vite”, tha Olldashi. Gjatë bashkëbisedimeve me demokratët në Burrel dhe në Bulqizë, Sokol Olldashi foli për aksionin opozitar të përqendruar në mbrojtjen e administratës dhe mbrojtjen e biznesit nga taksa progresive.
