Benjamin Netanyahu

25 Shtator 2026

Kryeministri izraelit Benjamin Netanyahu ka kritikuar ashpër Turqinë dhe presidentin e saj, Recep Tayyip Erdogan, gjatë fjalimit të tij në Asamblenë e Përgjithshme të OKB-së.

Netanyahu akuzoi Ankaranë se strehon Hamasin dhe se përhap, sipas tij, akuza të rreme ndaj Izraelit. Ai gjithashtu akuzoi Erdoganin për vrasjen e mijëra kurdëve, pushtimin ilegal të pjesës veriore të Qipros, kërcënimin ndaj Greqisë dhe burgosjen e gazetarëve.

Gjatë fjalimit, Netanyahu e cilësoi presidentin turk si një “tiran”. “Ai bën thirrje çdo ditë për shkatërrimin e Izraelit. Ai thotë se do të bëhet sundimtar i Jerusalemit. Jo, zotëri, nuk do të bëheni.

Është vendi ynë, qyteti ynë, kryeqyteti ynë i përjetshëm”, deklaroi Netanyahu.