4 Shtator 2026

Kjo është një nga banesat e përfshira nga zjarri i fuqishëm në Himarë. Banesa është përfshirë e gjitha nga flakët dhe është shkrumbuar plotësisht.

Situata paraqitet e vështirë për zjarrfikësit, të cilët vijojnë të jenë në terren, duke punuar për shuarjen dhe izolimin e flakëve, me qëllim parandalimin e përhapjes së mëtejshme të zjarrit.

Në video duken pamjet e frikshme, teksa flakët u afrohen me shpejtësi banesave të tjera në zonë.

Ndërkohë, banorët bëjnë apel për ndihmë, ndërsa flakët po u afrohen shtëpive të tjera në qytet.