Rusia kërcënon, Lavrov: – Lufta e Tretë Botërore mund të jetë bërthamore dhe katastrofike
Rusia kërcënon, Lavrov: – Lufta e Tretë Botërore mund të jetë bërthamore dhe katastrofike
2 MARS 2022
Një ditë pas kërkoi heqjen e armëve amerikane bërthamore nga Europa, Rusia ka paralajmëruar se lufta e tretë botërore mund të jetë me pasoja katastrofike, pasi mund të përdoren armatimet nukleare.
Kjo deklaratë u lwshua nga ministri i jashtëm rus, Sergei Lavrov gjatë një intervistë për Aljazeera , i cili tha se “Lufta e tretë botërore mund të jetë bërthamore dhe katastrofike”.
Në lidhje me operacionin rus në Ukrainë, kryediplomati rus tha: “Operacioni ushtarak në Ukrainë, duke përfshirë edhe Kievin, ka për qëllim çarmatosjen e Ukrainës. Rusia nuk do të lejojë Ukrainën të marrë armë bërthamore”.
Dje, Lavrov deklaroi se Rusia e konsideron të papranueshme që të ketë armë bërthamore amerikane në Evropë. “Është koha që të kthehen në Shtetet e Bashkuara,” tha ministri i jashtëm rus në një fjalim të regjistruar në Konferencën e Çarmatimit në Gjenevë.
Ai theksoi se “Presidenti i SHBA (Joe) Biden është një njeri me përvojë dhe ka deklaruar në të kaluarën se e vetmja alternativë ndaj sanksioneve është lufta botërore”.Rusia është gati për një raund të dytë bisedimesh me Ukrainën, sipas deklaratave të bëra nga Sergei Lavrov të lëshuara këtë të mërkurë.
Gazeta Shqip