Njihuni me parashikimin e motit për javën e ardhshme/ Ditët që do të shoqërohen me reshje shiu dhe…

2 gusht 2020

Gjatë javës së ardhshme do të ketë reshje shiu për disa ditë me radhës.

Sipas Shërbimit Meteorologjik Ushtarak, përveç reshjeve të shiut, do të ketë edhe rënie temperaturash në nivelin maksimal.

Parashikimi sipas SHMU:

Më poshtë po ju njohim se si do të jenë kushtet meteorologjike për javën që presim.

Dita e henë do të ketë mot kryesisht të kthjellët, vranësira të pakta të përqëndruara përgjatë relieveve malore. Reshej shiu të izoluara përgjatë maleve në Juglindje të vendit.

Dita e martë do të nisë me mot të kthjellët e shtim gradual të vranësirave deri të dendura.

Dita e mërkurë do të jetë me vranësira mesatare deri të dendura. Reshje shiu që në orët e para të 24-oreshit fillimisht në Veriperëndimin e gradualisht reshjet do të shtrihen edhe në pjesën tjetër të vendit. Përgjatë Ultësirës Perëndimore dhe në Jugperëndim të vendit reshjet do të jenë me intensitet deri mesatar, lokalisht reshje në formën e shtrëngatave shoqëruar me shkarkesa elektrike dhe breshër.

Dita e enjte do të vijojë me kushte atmosferike të paqëndrueshme. Reshje shiu të herëpashershme me intensitet të ulët përgjatë vijës bregdetare dhe intensitet deri mesatar në pjesën tjetër të vendit.

Dita e premte do të ketë mot me alternime kthjellimesh dhe vranësira, të cilat në mesditë do të pasohen nga reshje shiu të karakterit lokal përgjatë vijë bregdetare. Në pjesën tjetër të vendit reshjet do të jenë në formën e shtrëngatave afatshkurtra.

Era do të jetë nga Jugperëndimi –Veriperëndimi me shpejtësi 1-8m/s, ndersa ditën e martë dhe të mërkurë do të fitojë intensitet deri në 15-20m/sek.

Temperaturat do të pësojnë rënie në vlerat maksimale.

Gazeta Panorama