![](https://i0.wp.com/www.shqiperia.com/blog/wp-content/uploads/2018/05/4be1da12094acb24dcc707396b2832d0_XL-1.jpg?fit=800%2C357&ssl=1)
Elbasan/ “FestFolk” rizgjon dashurinë e fëmijëve për folklorin. –
Elbasan/ “FestFolk” rizgjon dashurinë e fëmijëve për folklorin.-
Qendra Kulturore e Fëmijëve në Elbasan ka gjetur një mënyrë origjinale për të ngjizur gjurmët e traditës që në moshë të vogël.
Me moton “Fest Folk” është organizuar një festival ku fëmijët, ndryshe nga sa janë mësuar tashmë, kanë interpretuar vetëm nën tingujt e muzikës popullore tradicionale.
Drejtori i Qendrës Kulturore të Fëmijëve, Martin Kushi, e cilësoi këtë festival, siguri për të ardhmen e trashëgimisë sonë kultutore.
Ndërsa mësuesit e muzikës dhe koreografët tregojnë se fillimi ishte pak i vështirë, pasi fëmijët nuk shprehin dëshirë dhe kënaqësi për muzikën popullore, por më pas ata u dashuruan me të.
Në këtë festival morën pjesë më shumë se 20 shkolla dhe interpretuan rreth 380 fëmijë.
Organizatorët synojnë ta vazhdojnë edhe vitet e ardhshme këtë festival, në mënyrë që dashuria për folklorin të ringjallet mes fëmijëve dhe të rinjve.