Një në tri lindje natyrale në vendin tonë kryhet me operacion. Kjo tendencë në rritje sipas mjekëve është më e theksuar në kryeqytet, ku vijnë edhe raste nga rrethet, ndërkohë që në nivel kombëtar mbi 30 për qind e nënave vendosin t’i sjellin në jetë foshnjat e tyre jo me lindje natyrale. Arsyet kryesore pse nënat, veçanërisht ato të reja, zgjedhin këtë metodë janë evitimi i dhimbjeve si dhe format fizike. Nisur nga numri i lartë i lindjeve me operacion, të njohura ndryshe si “cezariane”, ministri i Shëndetësisë, Vangjel Tavo, ka kërkuar nga mjekët që të ndikojnë sa të munden për t’i evituar ato.
ana tjetër ministri Tavo ka përgëzuar mjekët për uljen e vdekshmërisë foshnjore dhe atë amtare. “Mortaliteti neonatal ka ardhur duke u ulur që nga 2005 deri në vitin 2012. Në vitin 2012 mortaliteti është ulur në shifrën prej 7.8/1000, duke e bërë kështu vdekjen foshnjore një shifrore, të krahasueshëm me vendet e zhvilluara si Franca, Spanja dhe Italia. Gjithashtu, është një arritje e madhe, që në sajë të punë suaj të lavdërueshme, vdekja amtare ka rezultuar të jetë në shifrën zero. Mbetet për t’u përmirësuar përqindja e lindjeve me sexio cesare (operacion), e cila, ndonëse ka pësuar ulje, vazhdon të jetë e lartë në shifrën e 33.8%”, – u shpreh ministri Tavo në analizën vjetore të maternitetit “Koço Gliozheni”.
Drejtoresha e këtij institucioni, Rubena Moisiu, ka ngritur shqetësimin për rënien e numrit të lindjeve në vendin tonë, ndërsa ka theksuar se duhet përmirësuar kujdesi shëndetësor parësor nëpër rrethe, pasi mbetet i lartë numri i vdekjeve të bebes gjatë shtatzënisë apo dhe lindja e bebeve nën peshë.
Shumica e nënave që pjesën e parë të shtatzënisë e kanë ndjekur në qytete të tjera dhe jo në Tiranë, kanë mbërritur në maternitetin “Koço Gliozheni” me foshnja të vdekura që në bark. Këto raste gjatë vitit 2012 kanë qenë më të shumta sa i përket vdekshmërisë foshnjore, rreth 65 nga 90 gjithsej. Ndërsa më pak raste kanë humbur jetën gjatë ndjekjes së shtatzënisë apo pas lindjes.
“Lindshmëria në Shqipëri në total ka ardhur në rënie. Do të shikoni që një volum mjaft të madh zënë vdekjet përpara lindjes, që do të thotë janë nëna që vijnë, shtrohen në institucion me bebe të vdekur në bark dhe në fakt kjo ka të bëjë natyrisht edhe me shërbimin tonë, por kryesisht me shërbimin parësor dhe me shërbimin në spitalet rajonale.
Na zënë një përqindje mjaft të madhe të mortalitetit perinatal kjo pjesa e vdekjeve të bebeve përpara lindjes. Ndërkohë që na janë rritur shifrat e bebeve të cilët vijnë e paraqiten këtu dhe më pas lindin me peshë të ulët në lindje, gjë e cila flet që duhet përmirësuar, sido që të jetë, kujdesi në shëndetin parësor”, – tha Moisiu.
Duke qenë se një pjesë e konsiderueshme e nënave dhe fëmijëve trajtohen në Tiranë, Moisiu kërkoi që një pjesë e fondeve të spitaleve rajonale t’i kalojnë maternitetit “Koço Gliozheni”. Sipas saj, buxheti i Maternitetit të Ri duhet të shtohet, pasi rreth 18 për qind e lindjeve dhe 30 për qind e operacioneve gjinekologjike të grave që realizon atje vijnë nga rrethet. Ajo bëri të ditur se së shpejti në maternitetin “Koço Gliozheni” do të aplikohet procedura e fekondimit artificial, për të cilin janë rreth 59 raste në pritje. Gjatë vitit të shkuar në këtë maternitet janë realizuar 4 433 lindje.
33.8% e lindjeve në vend kryhen me operacion
30% e operacioneve gjinekologjike vijnë nga rrethet
18% e lindjeve në Maternitetin e Ri janë nga rrethet
4 433 lindje janë kryer për një vit në Maternitetin e Ri
65 raste nga 90 gjithsej me foshnja të vdekura në bark
59 raste janë në pritje të fekondimit artificial
7.8 vdekje për 1000 lindje, vdekshmëria foshnjore
ana tjetër ministri Tavo ka përgëzuar mjekët për uljen e vdekshmërisë foshnjore dhe atë amtare. “Mortaliteti neonatal ka ardhur duke u ulur që nga 2005 deri në vitin 2012. Në vitin 2012 mortaliteti është ulur në shifrën prej 7.8/1000, duke e bërë kështu vdekjen foshnjore një shifrore, të krahasueshëm me vendet e zhvilluara si Franca, Spanja dhe Italia. Gjithashtu, është një arritje e madhe, që në sajë të punë suaj të lavdërueshme, vdekja amtare ka rezultuar të jetë në shifrën zero. Mbetet për t’u përmirësuar përqindja e lindjeve me sexio cesare (operacion), e cila, ndonëse ka pësuar ulje, vazhdon të jetë e lartë në shifrën e 33.8%”, – u shpreh ministri Tavo në analizën vjetore të maternitetit “Koço Gliozheni”.
Drejtoresha e këtij institucioni, Rubena Moisiu, ka ngritur shqetësimin për rënien e numrit të lindjeve në vendin tonë, ndërsa ka theksuar se duhet përmirësuar kujdesi shëndetësor parësor nëpër rrethe, pasi mbetet i lartë numri i vdekjeve të bebes gjatë shtatzënisë apo dhe lindja e bebeve nën peshë.
Shumica e nënave që pjesën e parë të shtatzënisë e kanë ndjekur në qytete të tjera dhe jo në Tiranë, kanë mbërritur në maternitetin “Koço Gliozheni” me foshnja të vdekura që në bark. Këto raste gjatë vitit 2012 kanë qenë më të shumta sa i përket vdekshmërisë foshnjore, rreth 65 nga 90 gjithsej. Ndërsa më pak raste kanë humbur jetën gjatë ndjekjes së shtatzënisë apo pas lindjes.
“Lindshmëria në Shqipëri në total ka ardhur në rënie. Do të shikoni që një volum mjaft të madh zënë vdekjet përpara lindjes, që do të thotë janë nëna që vijnë, shtrohen në institucion me bebe të vdekur në bark dhe në fakt kjo ka të bëjë natyrisht edhe me shërbimin tonë, por kryesisht me shërbimin parësor dhe me shërbimin në spitalet rajonale.
Na zënë një përqindje mjaft të madhe të mortalitetit perinatal kjo pjesa e vdekjeve të bebeve përpara lindjes. Ndërkohë që na janë rritur shifrat e bebeve të cilët vijnë e paraqiten këtu dhe më pas lindin me peshë të ulët në lindje, gjë e cila flet që duhet përmirësuar, sido që të jetë, kujdesi në shëndetin parësor”, – tha Moisiu.
Duke qenë se një pjesë e konsiderueshme e nënave dhe fëmijëve trajtohen në Tiranë, Moisiu kërkoi që një pjesë e fondeve të spitaleve rajonale t’i kalojnë maternitetit “Koço Gliozheni”. Sipas saj, buxheti i Maternitetit të Ri duhet të shtohet, pasi rreth 18 për qind e lindjeve dhe 30 për qind e operacioneve gjinekologjike të grave që realizon atje vijnë nga rrethet. Ajo bëri të ditur se së shpejti në maternitetin “Koço Gliozheni” do të aplikohet procedura e fekondimit artificial, për të cilin janë rreth 59 raste në pritje. Gjatë vitit të shkuar në këtë maternitet janë realizuar 4 433 lindje.
33.8% e lindjeve në vend kryhen me operacion
30% e operacioneve gjinekologjike vijnë nga rrethet
18% e lindjeve në Maternitetin e Ri janë nga rrethet
4 433 lindje janë kryer për një vit në Maternitetin e Ri
65 raste nga 90 gjithsej me foshnja të vdekura në bark
59 raste janë në pritje të fekondimit artificial
7.8 vdekje për 1000 lindje, vdekshmëria foshnjore
