Pagjumesia te shendosh

Personat që flenë 5 orë ose më pak në natë janë më të predispozuar për të shtuar në peshë, thotë një studim i ri.Sipas shkencëtarëve amerikanë, personat që flenë mesatarisht vetëm 5 orë gjatë natës fitojnë rreth 1 kilogram më shumë në javë se personat që bëjnë një gjumë normal (6-8 orë), pasi të gjatë ndenjes zgjuar digjen më shumë energji dhje njerëzit janë më të predispozuar të konsumojnë më shumë ushqim.

Shkencëtarët e Universitetit të Kolorados ekzaminuan ndryshimet hormonale dhe në peshë tek 16 persona të cilët për dy javë me radhë u lejuan të flenë vetëm 5 orë gjumë në natë.Studiuesit vëzhguan gjithashtu edhe reagimin e personave me një regjim normal të gjumit, të cilët flinin nga 8-9 orë në natë.

Ajo që u vu re ishte se te personat që kishin një regjim normal gjumi, konsumi i yndyrnave dhe kalorive ishte më i vogël se tek të pagjumët.

“Kërkimet tona sugjerojnë se konsumimi i ushqimit gjatë mungesës së gjumit është një përshtatje fiziologjike në mënyrë që trupi të sigurojë energjinë e nevojshme për të ndenjur zgjuar, por kur ushqimi është lehtësisht i arritshëm, sasia e konsumuar e tejkalon atë të nevojshme”, shprehen studiuesit.Profesori Ken Wright, i Universitetit të Kolorados, deklaroi: “Nëse një njeri do të flejë më shumë gjumë, nuk do të hajë ushqimet plot me kalori që konsumohen për të shtyrë kohën”.