Njeriu me arme nga Kosova ne TKOB

“Njeriu me Armë” është një meshë nga kompozitori nga Wellsi Karl Jenkins, me nëntitull "Një meshë për paqen". Kjo pjesë është porositur nga Muzeu Mbretëror i Armëve me rastin e festimeve të mijëvjeçarit (1999) dhe i është dedikuar viktimave të Kosovës. Në thelb të saj është koncepti anti-luftë dhe është bazuar në një meshë katolike, të cilën Jankis e kombinon me burime të tjera, kryesisht nga kënga popullore, “Njeriu me Armë” e shekullit të 15-të, në kohët e para dhe të fundit të veprës. Kjo pjesë është shkruar për orkestër, kor dhe solistë. Tekstet për këtë vepër janë zgjedhur nga drejtori i atëhershëm i Muzeut Guy Wilson.

Megjithatë përveç pjesëve nga mesha e zakonshme, teksti ka edhe fjalë nga burime të tjera historike dhe fetare, përfshirë lutje islame, fjalë nga Bibla dhe nga Mahabharata (poemë epike indiane). “Njeriu me Armë” tregon për rrezikun e fillimit të luftës, e kombinuar me momente reflektimi; tregon tmerret që lufta sjell; dhe përfundon me shpresën për paqe në mijëvjeçarin e ri, ku “pikëllimi, dhimbja dhe vdekja do të mposhten”. Gjithçka nis me një marsh të plotësuar më vonë me tone të mprehta të pikalos, që luajnë rolin e flauteve të bandave ushtarake, dhe krejt kjo shoqërohet me fjalët e këngës franceze të shekullit XV, "L'homme armé". Pas një pushimi reflektues të thirrjes së besimtarëve (ezanit) dhe pjesës “Kyrie”, fragmenti "Më shpëto nga njeriu i përgjakur" thërret për ndihmën e Zotit kundër arm iqve dhe kjo me fjalët nga Libri i Psalmeve.

Pjesa “Sanctus” ka frymë ushtarake e përcjellë nga "Himni para sulmit". "Sulmi!" paraqitet me tekstin e John Dryden dhe Jonathan Swift, i paralajmëruar nga boritë luftarake dhe pastaj këngës, e cila në fund sjellë agoninë e britmave të vdekjes. Pas gjithë kësaj pason një heshtje e frikshme e fushëbetejës pas aksionit, heshtje kjo që thyhet nga një bori e vetme. "Flakët e zemëruara" përshkruan skenat tmerruese pas bombardimit të Hiroshimës, ndërsa "Flakadani" tërheq paralelen me fragmente të shkëputura nga poema epike indiane Mahabharata.

Nën dirigjimin e Baki Jasharit, interpretojnë: solistët, kori dhe Orkestra Simfonike e Filarmonisë së Kosovës. Solistët janë: Besa Llugiqi (soprano), Liridon Sadriu (Tenor) dhe Safet Berisha (bariton). Ky Koncert zhvillohet në kuadër të implementimit të marrëveshjes për kalendarin e përbashkët kulturor, i cili është miratuar në takimin e zhvilluar nga dy ministritë përkatëse ( Ministrisë së Kulturës së Shqipërisë dhe Ministrisë së Kulturës së Kosovës).