Ne pune edhe per Krishtlindje

Mbledhja e detyrimeve të prapambetura të energjisë elektrike ka bërë që OSHEE-ja të mbajë hapur sportelet edhe gjatë ditëve të festave. Operatori i Shpërndarjes së Energjisë Elektrike ka bërë të ditur se, qendrat e Kujdesit ndaj Klientit si dhe sportelet e pagesës së faturave të energjisë elektrike do të jenë të hapura edhe më datën 25 dhjetor. Pavarësisht ditës festive, kompania do të vijojë normalisht punën, për t’iu gjendur pranë abonentëve të saj dhe konsumatorëve të energjisë elektrike, në lidhje me ankesat dhe pagesat e faturave.

Gjithashtu, në gatishmëri do të jenë të gjithë grupet e punës, përfshi edhe ata të kontrollit, të cilët do të vijojnë verifikimet në terren për lidhjet e paligjshme. Ndërkohë, kompania është duke punuar për të zgjeruar sportelet e shërbimit, ku deri më tani për muajin dhjetor, janë hapur 11 qendra të reja të Kujdesit ndaj Klientit, si dhe po planifikohen edhe 21 të tjera, në rang vendi.