Lu Rama & Basha te gjejne gjuhen te henen ose te mbyllen ne sallen e takimit perjete

Lu: Rama & Basha te gjejne gjuhen te henen, ose te mbyllen ne sallen e takimit perjete

Ka qenë e ashpër deklarata e paralajmëruar e ambasadorit Donald Lu, ndërsa ka theksuar se të gjithë kanë frikë nga reforma. Diplomati amerikan tha se është i lodhur nda debatet.

“Udhëheqësit do të mbahen mend për dështimin ose usksesin. Sot përgjigja është e qartë. Të gjithë kanë frikë nga Reforma në Drejtësi” – ka thënë ndër të tjera Lu.

Ai tha se reforma do të miratohet dhe se deri ditën e enjte ka ende kohë për kompromis.

“I sfidoj Ramën dhe Bashën të takohen të hënën. Për një gjë biem dakord, se jemi të lodhur nga debatet. E refuzoj edhe Ramën kur thotë se heq dorë nga negociata” – u shpreh ambasadori amerikan.

Deklaratë për mediat e Ambasadorit të SHBA Donald Lu

Të dashur miq shqiptarë,

Mendoj se ka një gjë për të cilën biem dakord.  Të gjithë jemi të acaruar dhe të lodhur me udhëheqësit politikë të Shqipërisë.

Sot, Z. Basha tha se opozita kishte vendosur mbi tavolinë një propozim të vlefshëm. I thashë Z. Basha se propozimi i tij ishte i papranueshëm nga Shtetet e Bashkuara dhe se tregon që ka thyer zotimin e tij ditën e dielë ndaj Ambasadores Nuland.

Gjithashtu sot, Z. Rama njoftoi se ai u ka dhënë fund negociatave me opozitën dhe se do të pranonte çdo kërkesë të opozitës që miratohet nga BE dhe SHBA.  Unë e refuzoj edhe këtë rol.  Përgjegjësia për zgjidhjen e problemeve politike të Shqipërisë është e udhëheqësve shqiptarë.

Propozoj një zgjidhje të thjeshtë. E sfidoj kryeministrin dhe kreun e opozitës që të takohen ballë për ballë të hënën dhe të premtojnë publikisht se nuk do të largohen nga salla e takimit deri sa të kenë një zgjidhje për çështjen e fundit të kësaj reforme.  Le të shohim se kush është me të vërtetë në favor të mbështetjes së një kompromisi.

Kjo do ta zgjidhë problemin në njërën prej dy mënyrave. Ata ose do të gjejnë një zgjidhje që mund të mbështetet si nga qeveria, ashtu edhe nga opozita. Ose, mund të mbyllen brenda asaj salle takimi së bashku, përjetë.

Disa muaj më parë kam pyeta se kush ka më shumë frikë nga kjo reformë?   Krerët e krimit të organizuar? Gjyqtarët e korruptuar? Apo politikanët kriminelë?  Sot, përgjigja është e qartë.  Të gjithë ata kanë frikë dhe të gjithë po e luftojnë.

Të enjten, deputetët e kuvendit kanë mundësinë të tregojnë qëndresë për popullin e nderuar të Shqipërisë, që po e kërkon këtë reformë.  Ka ende kohë që Z. Basha dhe Z. Rama të gjejnë një kompromis.  Nëse ata nuk munden, Kuvendi duhet ta miratojë këtë reformë.

Harku i historisë është i gjatë, por anon nga drejtësia. Reforma në drejtësi do të miratohet. E vetmja pyetje është nëse ky kuvend dhe udhëheqësit e partive politike, do të mbahen mend për suksesin apo do të fajësohen për dështimin e saj.

 


Artikujt e fundit


Reklama

Reklama