Kryeministrit të vendit Edi Rama i është drejtuar në “Facebook” një kërkesë e veçantë nga një punonjëse e Operatorit të Shpërndarjes së Energjisë Elektrike.
Punonjësja Erjona Ismaili shprehet e prekur nga pamundësia e shtetasit Shefki Fega për të paguar detyrimet e prapambetura të energjisë elektrike dhe ajo i kërkon kryeministrit që t’ia falë këtij shtetasi të gjitha prapambetjet.
“Z. kryeministër në emër të humanitetit dhe njerëzillëkut, të kërkoj t’i falësh detyrimet e prapambetura të energjisë elektrike abonentit me emër Shefki Fega. Do të më kurseje lotët e mëngjesit të të dielës, duke parë, ndjerë dhe dëgjuar mjerimin”, shkruan Eriona në “Facebook”.