Ja kush jane 33 kandidatet per Avokat te Popullit

Partia Socialiste, ka regjistruar 33 kandidatë për postin e Avokatit të Popullit. Komisioni Përzgjedhës ka regjistruar kandidaturat e paraqitur vullnetarisht për këtë post të cilët në vijim do t’i nështrohen procedurave të përzgjedhjes. Mes 33 kandidatëve vihet re emri i Dëshira Subashit – anëtare e KQZ-së, Ermir Dobjanit – ish-avokat i Popullit, Igli Totozanit – jurist dhe publicist apo Besnik Dervishit – ish-deputet i PS-së.

Për seleksionimin e kandidaturave do të ketë një fazë të parë me 8 dhjetor, ku do të shqyrtohen dosjet e paraqitura nga aplikantët. Më pas do të zgjidhet një numër i vogël kandidatësh që të ftohen në dëgjesën publike, e cila do të bëhet me 12 dhjetor.

Çdo kandidat do të dëgjohet për 15 minuta, gjatë të cilave do të paraqesë vizionin e vet për detyrën e Avokatit të Popullit. 10 minuta të tjera do të jetë koha e pyetjeve nga ana e komisionit, në funksion të shtjellimit të vizionit të paraqitur apo shpjegimeve të ndryshme.

Dëgjesa do të jetë e hapur për median dhe do të transmetohet e plotë live në faqen online të Partisë Socialiste.