Ja gruaja qe eshte diplomuar ne moshen 99-vjecare

Një grua është diplomuar çuditërisht në moshën 99-vjeçare! Ceremonia e nderimit ishte shumë e veçantë, ndërsa i pranishëm qe edhe presidenti i shkollës, i cili i dha edhe titullin e fituar. Ajo nuk mundi të diplomohej më parë, për shkak të një borxhi prej 5 mijë dollarësh që nuk e pagoi dot kurrë. Por, pak kohë më parë, një miku i saj e ndihmoi atë të plotësonte ëndrrën më të madhe, atë për tu diplomuar. Ndërkaq zonja e moshuar ka dashur të transmetojë një mësim jete dhe një mesazh shprese tepër domethënës: “Nuk duhet të reshtim kurrë së mësuari gjatë jetës sonë. Mendoj se kushdo që pushon së mësuari plaket më shpejt dhe për këtë motiv jam gjithmonë e gatshme për të mësuar gjëra të reja”.