Astronomët kanë parë për herë të parë në kohë reale një sinjal radioje të ardhur nga një drejtim i panjohur. Shpërthimi i befasishëm ka ardhur nga një burim që është ende i panjohur për ta. Zbulimi i afron akoma më shumë astronomët me kuptimin e jetës aliene. Sinjali i ardhur ka zgjatur disa milisekonda dhe është kapur për herë të parë në vitin 2007 nga teleskopi Parkes. Por se çfarë janë në të vërtetë këto valë magnetike apo sinjale ende është një enigmë. Që prej 2007 gjashtë sinjale të tilla janë regjistruar në teleskopin Parkes dhe një i shtatë është regjistruar në teleskopin Arecibo në Puerto Riko. Astronomët më të njohur në botë janë duke shqyrtuar shumë mundësi por ende nuk kanë një përgjigje të saktë për të dhënë. Të jenë vallë komunikime aliene?
