CIA ka pranuar për herë të parë publikisht se fshihej pas grushtit të shtetit të viti 1953 në Iran që solli rrëzimin e presidenti të zgjedhur në zgjedhje demokratike, Mohammad Mosaddeq. Në dokumentin e nxjerr nga lista e dokumenteve sekrete tregohet edhe përfshirja e Britanisë, e cila ka kërkuar që informacioni të mos bëhet publik.
Dokumenti është publikuar 60 vjet pas kësaj ngjarje, që shpesh është përdorur nga iranianët si dëshmi e ndërhyrjes së perëndimit në punët e brendshme.
“Grushti ushtarak që rrëzoi Mosaddeq dhe kabinetin e Frontit Kombëtar u organizua nën direktivat e CIA-s si një akt i politikës së jashtme të SHBA-ve, menduar dhe miratuar nga niveli më i lartë i qeverisë”, shkruhet në dokumentin me titull “Lufta për Iranin”.
Dokumenti i CIA-s është publikuar në faqen e Universitetit të Uashingtonit, që përshkruan në detaje se si SHBA-të dhe Britani ndihmuan zbatuan grushtin e shtetit, për zbatimin e të cilit pagoi 5 milionë dollarë.
Britania ishte e interesuar për rrëzimin e Mosaddeq, pasi e shihte atë si kërcënim serioz të interesave strategjike dhe ekonomike pasi tentoi të shtetëzonte kompaninë anglo-iraniane të naftës të njohur më vonë si BP. Britania kishte nevojën e SHBA-ve për të realizuar këtë. Administrata e Eisenhowr-it u bind lehtësisht për këtë.
CIA mori një vendim të tillë pasi i druhej një ndërhyrjeje të mundshme të Bashkimit Sovjetik, që do të pushtonte Iranin nëse kriza përshkallëzohej deri në dërgimin e luftë-anijeve nga ana e Britanisë, ashtu siç mund të vepronte edhe tre vjet më vonë kur Egjipti shtetëzoi Kanalin e Suezit.
Grushti i shtetit solli në pushtet, Mohammad Reza Pahlavi, që u bë aleat i afërt me SHBA-të. Ai u rrëzua në vitin 1979 nga revolucioni islamik, ku drejtuesit e ri shpallën gjendje lufte me SHBA-të.
Sekretarja e Shtetit në SHBA, Madeleine Albright, në përpjekje për të riparuar marrëdhëniet e krisura me Iranin pranoi në vitin 2000 se SHBA-të “luajtën një rol domethënëse” në rrëzimin e Mossadegh dhe e cilësoi grushtin e shtetit “pengesë për zhvillimin politik të Iranit”. Presidenti Barack Obama bëri të njëjtën gjë pas marrjes së detyrës në vitin 2009 por që rezultoi një përpjekje e pasuksesshme për pajtimin me Iranin.