Policia e Majemit ka vënë në pranga një piktor vendas i cili shkatërroi qëllimisht një vazo të artistit të famshëm disident kinez, Ai Weiwei, vlera e së cilës ishte 1 mln dollarë.
51-vjeçari Maximo Caminero, me origjine nga Republika Domenikane, mori një nga vazot e ekspozuara në Muzeun e Artit “Perez” në Majemi dhe e theu atë në shenjë proteste ndaj faktit se ky muze nuk ekspozonte vepra të artistëve lokalë, duke preferuar vetëm ata ndërkombëtarë.
Caminero, i cili tani do të përballet me akuzën e rëndë, pohoi për “Reuters” se nuk e kishte idenë që vazoja mund të kushtonte aq shumë dhe se ai vetë është admirues i disidentit kinez Ai.
“Nuk e dija që mund të bëhej fjalë për një shumë të tillë. Sinqerisht, mendova se ishte ndonjë poçe e thjeshtë argjile, nga ato që gjen edhe nëpër magazina”, tha Caminero për Reuters. Vazoja e shkatërruar nga 51 vjeçari ishte një prej 16 të tillave të pikturuara në ngjyra të shndritshme nga artisti kinez Ai, dhe datojnë 2.000 vjet më parë, në dinastinë kineze Han.