Arrestohet mbreti i kokaines se Ballkanit

Darko Shariç, i njohur si “mbreti i kokainës” në Ballkan, është arrestuar sot në një aksion të përbashkët të policisë së Malit të Zi dhe Serbisë, raportojnë mediat në Beograd. Aksioni është udhëhequr nga ministrat e Drejtësisë të Serbisë dhe Malit të Zi, Nikolla Selakoviç dhe Dushko Markoviç. Shariç, shtetas serb, akuzohet për tregti me drogë dhe fshehje të shumave të mëdha të parave në Evropë dhe Amerikë. Në janar të vitit 2010, kundër tij është lëshuar urdhër-arrest ndërkombëtar.