Amerikanet besojne gjithmone e me pak tek Zoti

Numri i amerikanëve që besojnë tek Zoti po bie me ritme shumë të shpejta sipas një sondazhi online nga “Harris” dhe ata që e ruajnë ende këtë besim jetojnë në jug të SHBA-ve, votojnë për republikanët dhe janë persona me ngjyrë.

Sipas këtij sondazhi, 74% e amerikanëve vazhdojnë të besojnë tek Zoti, por ky numër është më i ulët duke u krahasuar me vitet 2005, 2007 dhe 2009 (82%). Një rënie në krahasim me vitet e shkuara ka pasur edhe tek besimi se ekziston Parajsa apo Djalli. Gjithashtu, 26% e amerikanëve besojnë tek shtrigat, ndërsa 32% besojnë se ekzistojnë UFO-t.