Një satelit ushtarak rus parkoi veten mes dy satelitëve amerikanë, duke shkaktuar alarm në SHBA. Por një ekspert hapësinor rus tha se nuk ka asnjë rrezik.
Ivan Moiseyev, kreu i Institutit për Politikat Hapësinore Ruse tha se i kupton shqetësimet amerikane në lidhje me manovrat e satelitit rus.
“Por mundësia e një përplasjeje apo ndonjë intereference është shumë e vogël,” tha ai.
Kompania Intelsat, që operon dy satelitët amerikanë, tha se nuk ka arritur të kontaktojë me operatorin e satelitit rus.
Intelsat ka në qiell rreth 50 satelitë, disa prej tyre përdoren nga ushtria amerikane, përfshi këtu për misionet e dronëve apo për komunikimet ushtarake me zonat e izoluara.
Eksperti amerikan i hapësirës, Brian Weeden tha se në një rast, sateliti rus Luch iu afrua rreth 10 kilometra satelitit amerikan, çka është shumë pranë në terma hapësinore.
Sipas tij mbetet misterioz aktiviteti i këtij sateliti.
Luch nuk është regjistruar në Zyrën e OKB për Çështjet Hapësinore.