Për udhëtimet jashtë Shqipërisë, shtetasit shqiptarë shpenzuan rreth 218 milionë euro, ose 14 për qind më pak se në 2014, gjithnjë për të njejtën periudhë. Banka e Shqipërisë thotë se në tre muajt e parë të vitit 2015, përkatësisht janar, shkurt dhe mars, Shqipëria përfitoi 262 milionë euro vetëm nga eksporti i shërbimeve të udhëtimit.
Në shifrat që raportoi Agjencia Telegrafike Shqiptare qartësohet se shërbimet e udhëtimit zënë peshën më të madhe në të ardhurat në vend me 58% dhe shpenzimet e shërbimeve me 62% në përgjithësi.
Të ardhurat nga turizmi, sipas të njejti burim në këta tre muaj, janë rritur me 13 për qind më shumë krahasimisht me të njejtën periudhë të vitit 2014.
“Shërbimet e udhëtimit për turizëm u mbyllën me bilanc pozitiv prej 44 milionë euro, ndaj deficitit 22 milionë euro, në të njëjtën periudhë të vitit të kaluar”-raportoi agjencia zyrtare e lajmeve.
Për udhëtimet jashtë Shqipërisë, shtetasit shqiptarë shpenzuan rreth 218 milionë euro, ose 14 për qind më pak se në 2014, gjithnjë për të njejtën periudhë.
“Rritja vjetore e të ardhurave gjatë kësaj periudhe erdhi si pasojë e rritjes së shpenzimeve mesatare me7 për qind dhe ditëqëndrimit mesatar me 3 për qind të jorezidentëve në vend. Numri i vizitorëve të huaj rezulton të jetë rritur me rreth 1 për qind”-raportoi agjencia.
