1 Shtator 2026

Kompleksi i shekullit XVIII në Dropull do të restaurohet në dy faza, ndërsa ndërhyrja do të përfshijë edhe konakët historikë.

Një nga monumentet më të rëndësishme të trashëgimisë kulturore dhe fetare në jug të vendit, Manastiri i Kryeengjëjve në Derviçan, do t’i nënshtrohet restaurimit pas vitesh degradimi dhe mungese mirëmbajtjeje.

Manastiri i Kryeengjëjve në Derviçan

Manastiri i Kryeengjëjve në Derviçan

Projekti synon jo vetëm shpëtimin e strukturave historike, por edhe rikthimin në funksion të një kompleksi që përbën një nga dëshmitë më të rëndësishme të arkitekturës pasbizantine në luginën e Drinos.

“Manastiri i Kryeengjëjve në Derviçan, një nga qendrat më të rëndësishme të trashëgimisë kulturore dhe shpirtërore të Dropullit, hyn në fazë restaurimi përmes ndërhyrjeve të planifikuara që përfshijnë edhe konakët lindorë e perëndimorë të kompleksit.

Ndërhyrja do të zhvillohet në dy faza dhe do të përfshijë restaurimin e konakëve lindorë dhe perëndimorë, konsolidimin e mureve prej guri, rindërtimin e çative tradicionale me rrasa guri, restaurimin e elementeve prej druri, si edhe rikthimin e hapësirave sipas dokumentacionit historik dhe gjurmëve të ruajtura në terren.

Manastiri i Kryeengjëjve në Derviçan

Manastiri i Kryeengjëjve në Derviçan

Projekti nis në një moment të rëndësishëm për monumentin, pasi Kisha e Manastirit të Kryeengjëjve është shpallur së fundmi Pasuri Kulturore me statusin “Monument Kulture”, Kategoria I, së bashku me zonën e saj mbrojtëse.

“Ky projekt nuk synon vetëm restaurimin e një objekti, por edhe rijetëzimin e një kompleksi me rëndësi të veçantë për historinë, kulturën dhe besimin fetar në jug të Shqipërisë. Përmes ruajtjes së vlerave dhe rikthimit të funksioneve të tij historike, Manastiri i Kryeengjëjve do të vijojë të shërbejë si një pikë referimi për komunitetin lokal, vizitorët dhe turizmin kulturor në zonën e Bashkisë së Dropullit”.

Manastiri i Kryeengjëjve në Derviçan

Manastiri i Kryeengjëjve në Derviçan

I vendosur në shpatet e Malit të Gjerë, mbi fshatin Derviçan të Gjirokastrës, Manastiri i Kryeengjëjve mendohet se është ndërtuar në shekullin XVIII.

Kompleksi përbëhet nga kisha dhe konakët që e rrethojnë dhe konsiderohet një prej monumenteve që dëshmojnë zhvillimin dhe larminë e arkitekturës pasbizantine në jug të Shqipërisë.

Manastiri i Kryeengjëjve në Derviçan

Kjo nismë vjen në një moment të rëndësishëm për monumentin, pasi Kisha e Manastirit të Kryeengjëjve është shpallur së fundmi Pasuri Kulturore me statusin “Monument Kulture”, Kategoria I, së bashku me zonën e saj mbrojtëse, duke njohur dhe forcuar vlerat e saj të jashtëzakonshme historike, arkitekturore dhe shpirtërore

Manastiri i Kryeengjëjve në Derviçan