Lufta në Ukrainë, Trump: – Putin është inteligjent! Liderët tanë janë budallenj, unë do i jepja fund kësaj farse
trump putin ne helsinki
Lufta në Ukrainë, Trump: – Putin është inteligjent! Liderët tanë janë budallenj, unë do i jepja fund kësaj farse
27 Shkurt 2022
Në një kohë kur Ukraina prej 4 ditësh ndodhet nën agresionin rus dhe vendet e NATO-s kanë vendosur për mos të ndërhyrë ushtarakisht, pasi kjo do të shënonte zyrtarisht nisjen e luftës së tretë botërore, deklaratat nga liderët dhe ish-liderët vijojnë.
“Vladimir Putin vendosi të sulmojë pa mëshirë Ukrainën pasi pa tërheqjen tonë nga Afganistani. Putin është një njeri inteligjent, ndërsa liderët tanë janë budallenj”, shkruan CNN.
Kështu deklaroi ish-presidenti i SHBA, Donald Trump gjatë një fjalimi në konferencën e konservatorëve, ku gjithashtu e cilësoi si sulm kundër njerëzimit vendimin për të hyrë ushtarakisht në Ukrainë.
“Për mua do të ishte shumë e lehtë për t’i dhënë fund kësaj farse që po ndodh”, shtoi Trump duke folur dhe për afrimitetin e tij me Putin.
Kujtojmë se gjatë një takimi që ka pasur me Putin, teksa mbante detyrën, Trump i ka thënë atij se do të sulmonte Kremlinin, në rast se lideri rus do të vendoste të ndërhynte ushtarakisht në Ukrainë.
Gazeta Dita