Kuvendi i Shqipërisë po vijon procesin e përzgjedhjes për pozicionin e Avokatit të Popullit, një nga institucionet më të rëndësishme kushtetuese që garanton mbrojtjen e të drejtave dhe lirive të qytetarëve.

Në kuadër të këtij procesi, znj. Aranita Brahaj, përfaqësuese e shoqërisë civile dhe aktiviste e njohur për transparencën dhe qeverisjen e hapur, prezantoi kandidaturën e saj përpara deputetëve të Komisionit për Çështjet Ligjore, Administratën Publike dhe të Drejtat e Njeriut.

Gjatë seancës dëgjimore, kandidatët paraqesin vizionin dhe prioritetet e tyre për forcimin e rolit të Avokatit të Popullit dhe përmirësimin e marrëdhënieve midis institucioneve shtetërore dhe qytetarëve.

Procesi i përzgjedhjes pritet të përfundojë në javët në vijim, pas shqyrtimit të të gjitha kandidaturave nga Komisioni dhe seancës plenare të Kuvendit.