Trajneri i Kombëtares shqiptare të futbollit, Xhani De Biazi ka bërë gati listën e futbollistëve për dy miqësoret që do të luhen ndaj Austrisë dhe Luksemburgut (më 26 dhe 29 mars).
Edhe pse De Biazi pritet të dalë paraditen e së hënës (ora 10:30) në një konferencë për mediat për të shpjeguar në detaje situatën e kuqezinjve, burime pranë FSHF-së konfirmojnë se cilët do të jenë lojtarët e përzgjedhur.
"Trajneri i kombetares se Shqiperise, Giovanni De Biasi, do te jete neser ne oren 10:30 paradite, ne nje konference per shtyp perpara dy ndeshjeve miqesore te fundmarsit. Drejtuesi i pankines kuqezi, do te flase perpara mediave ne lidhje me synimet qe ka per keto ndeshje dhe per te gjithe fushaten perpara Europianit France 2016.",-njofton FSHF.
Futbollistët e thirrur nga De Biazi:
Portierë: Etrit Berisha, Alban Hoxha, Orges Shehi
Mbrojtës: Naser Aliji, Arlind Ajeti, Berat Dijmsiti, Mergim Mavraj, Lorik Cana, Elseid Hysaj, Ansi Agolli, Frederik Veseli
Mesfushorë: Migjen Basha, Ergys Kace, Ledian Memushaj, Odise Roshi, Herolind Shala, Ermir Lenjani, Taulant Xhaka, Burim Kukeli, Amir Abrashi, Andi Lila
Sulmues: Bekim Balaj, Sokol Cikalleshi, Armando Sadiku, Shkelzen Gashi, Milot Rashica (vetëm për Luksemburgun)
