Disa prej futbollistëve të Bajern Mynih janë takuar në Çikago me disa prej yjeve të NBA, të cilët po përgatiten për pjesëmarrjen në Lojërat Olimpike Rio 2016. Ksabi Alonso, Frank Riberi dhe Havi Martinez janë takuar me DeMarkus Kazins dhe Herrison Barns, ndërsa kanë biseduar dhe shkëmbyer fanellat tradicionale të secilit sport.
Frank Riberi, u tregoi dy basketbollistëve amerikanë se idhulli i tij ishte Stefën Kërri. "E kam parë duke luajtur dhe kisha fatin ta takoj personalisht. Mendoj se është fantastik", ishin fjalët e francezit. Ndërsa bavarezët mësuan yjet e basketbollit të bënin xhonglime me topin e futbollit, Riberi provoi pa shumë sukses aftësitë e tij si basketbollist.
Rezultatet e tentativës së tij ishin aq qesharake, sa edhe Bajerni nuk ngurroi të publikonte në adresën zyrtare në Twitter një video për fansat e francezit me nënshkrimin "Frenk, mos e braktis punën tënde të përditshme për NBA-në". Shiheni vetë pse...
Oh Franck! Don't quit your day job for the @NBA... ? #AudiFCBTour pic.twitter.com/38PtKTImUV
-- FC Bayern English (@FCBayernEN) July 29, 2016
