Kolorado Rapids është kthyer në një superfuqi në futbollin amerikan, duke qenë në garë për vendin e parë në Konferencën Perëndimore ne MLS. Por nëse skuadra po shkëlqen në fushë, e njëjta gjë nuk mund të thuhet për Shkëlzen Gashin, i cili vazhdon të humbasë raste të pabesueshme para portës kundërshtare.
Sulmuesi luajti 87 minuta mbrëmë në suksesin 1-0 të skuadrës së tij ndaj Sporting Kansas Siti, por në minutat e fundit të ndeshjes, humbi një tjetër mundësi të jashtëzakonshme për të dërguar topin në rrjetë.
Sulmuesi ka shënuar vetëm dy gola me fanellën e Kolorado Rapids, në 13 ndeshje të luajtura me këtë skuadër.
