Gjermania e ka filluar me një fitore bindëse 3-0 mbrojtjen e titullit Kampion Bote të fituar dy vite më parë në Brazil. Gjermanët kanë lënë pas krahëve zhgënjimin e Europianit dhe kanë treguar se janë të uritur për fitore të tjera.
Kombëtarja gjermane ka dominuar lehtësisht ndeshjen e luajtur në Oslo ndaj Norvegjisë vendase, ndërsa tashmë duket qartë se rolin e liderit në skuadër e ka marrë plotësisht Tomas Myler, i cili shfaqej rrezikshëm para portës sa herë prekte topin. Futbollisti i Bajern Mynih shënoi dy herë në portën norvegjeze në këtë sfidë, ndërsa dha asisitin për golin tjetër të realizuar nga Kimish.
Takimi tjetër i grupit i luajtur në darkë, mes Republikës Çeke dhe Irlandës së Veriut u mbyll pa gola. Ndërkaq, një barazim u realizua edhe mes Rumanisë dhe Malit të Zi, por sfida ka qenë mjaft e ethshme në minutat e fundit. Popa kaloi në avantazh rumunët në minutën e 85, ndërsa dy minuta më vonë ishte Jovetiç që barazoi shifrat. Në minutën e 5 shtesë, Rumania fitoi një penallti, por Stançiu gaboi nga pika e bardhë.
Ndeshjet e sotme
Grupi C
San Marino-Azerbajxhan 0-1
45' Qurbanov
R. Çeke-Irlandë V. 0-0
Norvegji-Gjermani 0-3
15', 60' Myler, 45' Kimish
Grupi E
Danimarkë-Armeni 1-0
17' Eriksen
Kazakistan-Poloni 2-2
51', 58' Khizhnishenko / 9' Kapushka, 35' (p) Levandovski
Rumani-Mali i Zi 1-1
85' Popa / 87' Jovetiç
Grupi F
Lituani-Slloveni 2-2
32' Cerniç, 34' Slivka / 77' Krhin, 90'+3' Sezar
Sllovaki-Angli 0-1
90'+5' Lalana
Maltë-Skoci 1-5
13' Efiong / 9', 61' (p), 84' Snodgras, 53' Martin, 78' Fletçer
