Sem Allardajs ka debutuar me fitore në stolin e Anglisë, por trajnerit i është dashur të presë deri në shtesën e takimit për t'iu gëzuar suksesit të tij të parë.
Takimi i kualifikueseve të Botërorit 2018 në Sllovaki po shkonte drejt barazimit, edhe pse ekipi vendas kishte mbetur me 10 lojtarë pas kartonit të kuq të Skrtel në minutën e 57, pasi sulmuesit anglezë nuk po gjenin dot rrugën e rrjetës pavarësisht rasteve të krijuara.
Por Lalana, pikërisht në minutën e 95 të ndeshjes, arriti të realizonte me një diagonale të pakapshme për portierin Kozaçik, duke i dhënë Allardajs fitoren në debutim dhe tre pikët e para në fushatën kualifikuese.
Edhe ndeshja tjetër e këtij grupi është vulosur në minutat shtesë, pasi Sllovenia ka barazuar në minutën e 93 rezultatin në Lituani, në takimin e përfunduar 2-2.
Në barazim të paparashikuar është mbyllur edhe sfida mes Kazakistanit dhe Polonisë. Polakët ishin në avantazh të dy golave në fundin e pjesës së parë të takimit, por pastaj Khizhnishenko relizoi dy herë për Kazakistanin duke i siguruar një pikë skuadrës së tij.
Ndeshjet e sotme
Grupi C
San Marino-Azerbajxhan 0-1
45' Qurbanov
- Çeke-Irlandë V. 0-0
Norvegji-Gjermani 0-3
15', 60' Myler, 45' Kimish
Grupi E
Danimarkë-Armeni 1-0
17' Eriksen
Kazakistan-Poloni 2-2
51', 58' Khizhnishenko / 9' Kapushka, 35' (p) Levandovski
Rumani-Mali i Zi 1-1
85' Popa / 87' Jovetiç
Grupi F
Lituani-Slloveni 2-2
32' Cerniç, 34' Slivka / 77' Krhin, 90'+3' Sezar
Sllovaki-Angli 0-1
90'+5' Lalana
Maltë-Skoci 1-5
13' Efiong / 9', 61' (p), 84' Snodgras, 53' Martin, 78' Fletçer
