Gjatë një interviste që dha për "Bild am Sonntag", Tomas Myleri gjeti rastin për të kritikuar sistemin e ri të Europianit si dhe tregoi se cila prej kombëtareve ishte favorite për të fituar titullin kampion.
Sistemi i ri - "Me shtimin e numrit të pjesëmarrësve (nga 16 janë bërë 24) është shtuar edhe numri i ndeshjeve.
Ky ndryshim nuk i shërben kompeticionit. Mund ta konsideroja si pozitiv vetëm nëse do ta shikoja me syrin e një tifozi.
Tani kualifikohen për më tej edhe të tretat më të mira (dy të tretat më të mira kalojnë grupet) edhe ky ndryshim them se është absurd".
Favoritet - "Në një Europian asnjëherë nuk mund të flasësh për ekipe favorite. Ky është një kompeticion i paparashikueshëm.
Dakord, ne jemi kampionët e botës, por kjo nuk na jep statusin e favorites. Në këtë drejtim, si Franca dhe Anglia janë në rrugë të mbarë".
Shvajni - "Ai po rikuperohet. Po kalon fazat si duhet dhe besoj se do të jetë gati për të përballuar më së miri turneun".