Tirana ndal Partizanin Fili shpeton te kuqte nga humbja (VIDEO)

Tirana ndal Partizanin, Fili shpëton të kuqtë nga humbja (VIDEO)

UPDATE/ Të "kuqtë" barazojnë në "frymën e fundit" ndaj bardhebluve duke i shpëtuar humbjes. Derbi mes Tiranës dhe Partizanit përfundoi me shifrat 2-2 mbrëmjen e së mërkurës në "Selman Stermasi". Kur pritej vërshëllima e fundit e arbitrit, Fili barazoi shifrat në minutën e 90+5´.

FUTBOLL TIRANA PARTIZANI - Lojtaret e Tiranes, duke festuar shenimin e nje goli, gjate ndeshjes se futbollit, Tirana-Partizani, 2-1, e vlefshme per Kampionatin Kombetar, e luajtur ne stadiumin "Selman Stermasi, ne Tirane. /r/n/r/nSOCCER TIRANA PARTIZANI - Tirana's players celebrate scoring during the Albanian Super League football match Tirana vs Partizani, 2-1 at the "Selman Stermasi" stadium in Tirana.

Fillimisht, Sukaj kaloi Partizanin në avantazh në minutën e 21´ të pjesës së parë. Euforia e të "kuqve" nuk zgjati shumë dhe Muça barazoi shifrat në 1-1 gjashtë minuta më pas.

Pjesa e parë u mbyll në barazim. Ndërsa me fillimin e pjesës së dytë, Bakaj përmbysi rezultatin në 2-1 duke i dhënë avantazhin skuadrës së tij.

Në minutën e 56´ të pjesës së dytë bardheblutë luajtën me 10 lojtarë. Ndëshkimi i Muçës me kartonin e dytë të verdhë pas një ndërhyrje të gabuar ndaj Vilës në mesfushë, la Tiranën me një lojtar më pak.

Partizani shfrytëzoi rastin duke rrezikuar disa herë portën e bardhebluve, por pa konkretizuar.

Kur duheshin edhe pak sekonda nga përfundimi i ndeshjes, Fili shënon golin e barazimit duke i dhënë 1 pikë mjaft të vlefshme Partizanit. Ekipi i Agostinelit tashmë ndodhet 4 pikë ndaj Skënderbeut të vendit të parë.

Untitled-10

Tirana - Partizani 2 - 2
Golat: Muça 28´ / Bakaj 47´, Sukaj 21´, Fili 90+5´

Minutat:

90+5´ Gooool! Shënon Fili! Një top i krosuar në zonën e rreptësisë, devijohet te Fili, i cili nuk e ka të vështirë të shënojë me të majtën e tij.

90´ Futbollistët e Partizanit fitojnë një goditje dënimi pranë zonës së Tiranës. Gjuan Xhevahir Sukaj, topi devijohet në goditje nga këndi.

85´ Fili nis një aksion nga e majta, pason për Trashin që kroson te Raçiç. Ky i fundit godet me kokë, por ka vetëm rivënie fundore për Tiranën.

84´ Trashi ekzekuton një goditje nga këndi për Partizanin, por topi largohet nga Fukui.

81´ Fukui fiton një goditje dënimi pranë zonës së Tiranës. Fili ndëshkohet me karton të verdhë. Lika ekzekuton me të majtën, por goditja e tij përfundon jashtë kuadratit të portës së Partizanit.

79´ Tirana ekzekuton një goditje dënimi para portës së Partizanit. Topi krosohet në zonë, por pa rrezik për portën e Partizanit.

78´ Tjetër zëvendësim te Partizani. Bardhi futet në vend të Torasës.

70´ Rivënie anësore për Tiranën. Bardheblutë qarkullojnë topin në mesfushë, Fukui pason për Likën, por e humbin topin duke nisur futbollistët e Partizanit në kundërsulm.

68´ Zëvendësim te Partizani. Largohet Batha, në vend të tij Raçiç.

65´ Gomez ndëshkohet me karton të vërdhë pas një faulli në mesfushë.

64´ Futbollistët e Partizanit luajnë në gjysmëfushën e Tiranës. Trashi nis një aksion nga krahu i majtë, por topi ndalet nga bardheblutë.

60´ Zëvendësim te Tirana. Largohet Peçi, në vend të tij futet Deliaj.

56´ Muça ndëshkohet me kartonin e dytë të verdhe pas një ndërhyrje të gabuar ndaj Emiljano Vilës. Lë Tiranën me 10 lojtarë.

54´ Partizani ekzekuton një goditje nga këndi. Topi krosohet në zonë, Atanda godet me kokë, por pret Bakaj.

47´ Gooool! Elis Bakaj shënon golin e dytë për Tiranën.

Pjesa e parë

45+2´ Mbyllet pjesa e parë, Tirana - Partizani 1 - 1.

45´ Dy minuta shtesë në nga gjyqtari i katërt.

44´ Trajneri Daja afrohet te delegati i ndeshjes, proteston për provokime në fushë.

42´ Partizani ekzekuton një goditje dënimi në zonën e Tiranës. Gjuan Gomez, por ndërhyn Bakaj duke grushtuar topin. Gjyqtari vërshëllen një pozicion jashtë loje.

38´ Karton i verdhë për portierin Bakaj, i cili deli nga porta drejt mesfushës pas ndërprerjes së lojës nga arbitri për një faull.

36´ Fukui merr një top në zonën e Partizanit, kërkon të gjejë hapsira, por humbet aksioni ndalet nga të "kuqtë".

32´ Trashi nis një aksion nga krahu i majtë, godet, por topi pritet nga portieri i bardhebluve.

28´ Gooool! Shënon Gentian Muça. Një goditje dënimi në zonë dhe Muça nuk fal duke shënuar me kokë.

23´ Tifozët e Partizanit hedhin sende në fushë. Forcat e rendit shoqërojnë një zyrtar të stadiumit të Tiranës. Ndeshja ndeshja, zyrtarët e Partizanit kërkojnë ët qetësojnë tifozët.

21´ Gooool! Sukaj merr një top në qendër të zonës, shmang Beqajn dhe shënon me të majtën.

17´ Vila kroson një top në zonë për Trashin, Muça devijon topin në goditje nga këndi. Top i lërtë në zonë, Sukaj godet me kokë, por kapet në pozicion jashtë loje.

14´ Torasa merr një top nga krahu i djathë, kroson për Sukajn që gjuan me kohë, por topi përfundon mbi kuadratin e portës.

11´ Tensione mes trajnerit të Tiranës dhe gjyqtarit të katërt. Gjyqtari kryesor ndal lojën dhe paralajmëron Dajën të ruajë qetësinë.

09´ Partizani fiton një goditje dënimi pranë zonës së Tiranës. Sukaj godet fort me të majtën, por pret Evdan Bakaj.

06´ Vila nis një aksion nga krahu i djathtë, kroson në zonë, por topi ndalet nga bardheblutë.

04´ Futbollistët e Tiranës nisen në sulm, Karabeci nis një top për Bakajn, por ky i findit nuk arrinë ta kontollojë si duhet. Topin e nisin futbollistët e Partizanit.

01´ Topin e parë e nisin futbollistët e Tiranës.

FORMACIONET:

Tirana: Ed.Bakaj, Teqja, Muça, Gërçaliu, Hoxhallari, Peçi, Karabeci, Vucaj, Lika, El.Bakaj, Fukui.

Trajner: Ilir Daja

Partizani: Hoxha, Fejzullahu, Krasniqi, Atanda, Ibrahimi, Filipe, Batha, Vila, Torasan, Trashi, Sukaj.

Trajner: Agostineli


Artikujt e fundit


Reklama

Reklama