Atletiko e Madridit u kualifikua për në finalen e Ligës së Kampionëve edhe pse humbi me rezultatin 2-1 ndaj Bajernit të Mynihut në "Allianz Arena".
Në këtë ndeshje nuk munguan tensionet në fushë. Një incident mes trajnerit të Atletikos dhe stafit të Bajernit u shënua në pjesën e parë kur Simeone protestoi pranë stolit gjerman për një simulim të Levandovskit.
Në këtë moment ndërhyri sulmuesi francez, Riberi për të qetësuar situatën, por ky i fundit për pak sa nuk përfundoi në një përleshje fizike me trajnerin kundërshtar.