Kristiano Ronaldo ka hequr çdo hije dyshimi për prezencën e tij në finalen e Champions League mes Realit të Madridit dhe Atletikos.
Finalja do të luhet të shtunën në "San Siro" dhe prezenca e Ronaldos në fushë ishte në dyshim për shkak të dëmtimit të tij. Ndërkaq, i pyetur për kontributin që ish-trajneri Raf Benitez ka dhënë për Realin, Ronaldo nuk ka hezituar të shpreh kritikat e tij.
Shtypi ndërkombëtar shkruan se spanjolli dhe portugezi asnjëherë nuk kanë pasur raporte të mira mes tyre dhe sulmuesi sa herë që i hepet mundësia e sulmon atë.
"Mund të mësosh gjithmonë nga trajnerët. Disa gjëra po, ndërsa disa të tjera jo. Unë kam parë te ai gjëra ndryshe nga trajnerët e tjerë, por ka gjëra që askush nuk mund t'i mësojë, ose i ke, ose jo. Nuk fliste vetëm për goditjet e dënimit, por edhe si të gjuaje topin, të dribloje... Si duhet t'i përgjigjesha? I thoja "ok, në rregull". Por ka gjëra për të cilat nuk mund të kesh përplasje me një person tjetër nëse mendon ndrshe",-ka thënë ylli i Realit të Madridit.
Duke folur për të ardhmen e tij me klubin madrilen, Rolando la zbuluar se është i gatshëm të qëndrojë gjatë në Spanjë. "Kam ndermen të luaj me këtë fanellë deri në pension, edhe 15 vite, deri në 40 vjeç ose më shumë",-ka thënë ai.