UPDATE/ Finalja e Ligës së Kampionëve do të jetë spanjole në Milano. Reali i Madridit u kualifikua mbrëmjen e së mërkurës duke mundur Mançester Sitin me rezultatin 1-0. Autogoli i Fernandos ishte vendimtar në këtë takim.
Vendasit kryesuan në 45´ minutat e para. Fillimisht, goli iu atribua Garet Bejl në minutën e 20´ të takimit, por më pas rrjeta iu atribuua Fernandos.
Reali dominoi në mbajtjen e topit dhe në numrin e aksioneve. Ndërsa Siti shfrytëzoi hapësirat e vendasve kryesisht me kundërsulme, por pa konkretizuar para portës.
Ndeshja e parë mes tyre përfundoi në barazim pa gola. Ndryshe nga takimi i kaluar, Reali rikuperoi në këtë sfidë edhe Kristiano Ronaldon. Ky i fundit mungoi në Angli për shkak të një dëmtimi.
Ndërkaq, djemtë e Simeones u kualifikuan një natë më parë ndaj Bajernit të Mynihut. Edhe pse humbën në "Allianz Arena" me rezultatin 2-1, goli i shënuar në fushën kundërshtare bëri diferencën.
Real Madrid - Mançester Siti 1 - 0
Gol: Fernando 20' (autogol)